إعداد: بكر هذال
اللوبد اللي شايلا له ديانا
غرز بوسط السيل في وقت الأمطار
السيل زاد ولا تعدا مكانه
وراعيه عرضه للبلاوي والأخطار
عقلا خزن العنزي - تبوك
جمس قدم شايل له دينا
يا خفوتي يطفى وسط الغدير
القياده ذوق.. وأخلاق.. وفّنا
يحسب حساب للمواقع في المسير
عبدالعزيز الماجد - ثادق
بالمسعف أخاف لا تحتاج لك مسعفين
عبرت سيل تحدر من علو الجبال
من جاء بدريه يشيله مع حجاره وطين
ويصير علم وخبر يتناقلوه الرجال
علي بن معاضة - الرياض
حملك خطر تحتك خطر والخطر فوق
ياللي تخوض السيل من تحت كبري
عن الخطر سق في حذر وإمش برفوق
ولن تنتظر أفضل ولو رحت عبري
فهد بن عقيل الطويان - بريدة
من الخطا تدخل وقلامك السيل
الما عزيراً والخطر فيه موجود
الناقله تمشي وفي مشيها ميل
ما نضمن إنه توصل الحمل وتعود
علي رشيد الرشيد - رياض الخبراء
سطحه تشيل اللي طفت داخل السيل
دينا صغيرة ومكينتها ما بها شده
تعطلت وخلت صاحبها يشكل الويل
البواجي دامره وطرمبة الزيت منسده
خالد بن ناصر المخيمر - روضة سدير
وقت المطر جب لك سفينة وترتاح
تنقذ حياة الناس من سوء الأخطار
لا صرت ماهر بالقياده وسباح
تفعل فعايل عاليه وقت الأمطار
عبدالرحمن بن منصور التركي - البكيرية
خذك الطمع يا راعي الونش للشيل
تسعى لرزق مطوق بالمخاطر
وقت المطر مخطور ومن يقطع السيل
يغرق ولو هو من السواويق شاطر
سعود بن عبدالعزيز الهزاع - نعام
حمله ثقيل وخانه الوقت والحيل
والخير جزل رادم في المجاري
وش حيلة السواق لو باغته سيل
ياقف به المشوار تحت الكباري
سعد الحماد
الجمس غطا على النيسان
شاله على الهون طفياني
بالهون يمشي وهو حرزان
عدا به السيل فناني
عبدالكريم عبدالرحمن السلوم - القرائن
على السطحه تشيل دينة درب الحظر تمشيه
دروب كيف تمشيها وهي بالخير مليانه
أقول إن الطمع ما يفيد ولا يربح ترى راعيه
وترى بعض البشر في فعلها بالحيل غلطانه
محمد بن عبدالعزيز الخنيفر - أشيفر
طوق النجاح يدوره كل مزنوق
وايضالها صار الخطر حايط به
والسطحة اللي زايد حملها فوق
عامة تخوض السيل والخط ما به
حمد عبدالله الوايلي - حوطة سدير
الونش وقف والسبب قوة السيل
واظن مخراجه صعيب المنالي
فوقه ادينا سببتلة رداء حيل
والسايق المطنوخ شد الرحالي
فيصل فايز
المشاعل ما بها عيب وخساره
البلاد باللي ينام ولا يفكر
مكسبه لا قيل اركب بالغماره
شلتن ما هي على النخوات تذكر
محمد بن فهد الجلعود - سميراء
تبا المكاسب مير مابه مكاسيب
الجمس خرده والعواكس كثيره
كدتك بعض احيان ماتدخل الجيب
واحيان تبلش في مواقف عسيره
سلطان منيع اللّه الشلاحي الخبر